Militantja e PD kundër protestës me Kryemadhin: LSI masakroi administratën

Shumë nga PD dhe aleatët e kësaj partie janë kundër bashkëpunimit dhe koalicionit me LSI.

Madje shprehen se as në protestë nuk mund të dalin në krah të Monika Kryemadhit.

Mes tyre dhe kryetarja e shoqatës së të pushuarve nga puna në administratën e shtetit, Nertila Ismailgeci(Qafezezi), ka dalë kundër protestës së thirrur nga opozita e Lulzim Bashës dhe Monika Kryemadhit.

E njohur per protestat e saj te forta kunder kryeministrit Edi Rama para kryeministrise dhe nje kundershtare e paepur ndaj kesaj mazhorances, prania e Kryemadhit e ka bere te terhiqet.

Me anë të një postimi në rrjetet sociale, Ismailgeci shprehet se nuk mund të protestohet krah Monika Kryemadhit, partia e së cilës kreu një masakër në drejtorët e Administratës që nga viti 2014.

“Të protestoj përkrah Monikës!!!!

Shumë Nëna, motra, akoma nuk kanë tharë lotët prej dhunës, masakrës që bëri partia e Monikës, me drejtorët në administratë prej 2014.

E pra kur Monika qeveriste me Edvinin, ne nënat protestonim për papunësinë, varfërinë që sot LSI trumpeton fort. PD është e fortë mund ta ndalë edhe vetëm të keqen”, shkruan Ismailgeci.

Nertila Ismailgeci është një nga aktivistet e forta të PD-së, e cila ishte në krye të protestave pas largimeve të padrejta nga puna në administratë e shumë punonjësve, pas ardhjes në pushte të koalicionit PS-LSI.