Baka duhet të largohet nga Milan për tu rikthyer në La Liga, me destinacion Villarreal. Një sinjal për largimin e kolumbianit nga Milan është pikërisht fakti që sot sulmuesi nuk u paraqit në Milanello për tu stërvitur bashkë me skuadrën.
Në të vërtetë Baka mbërriti në qëndrën stërvitore kuqezi, por jo për tu stërvitur, përkundrazi. Ai është paraqitur me katër orë vonesë në Milanello, ku grumbullimi ishte planifikuar për në orën 12:30, për një takim me Roseti në lidhje me VAR, ndërkohë që kolumbiani ka mbërritur në orën 16:30.
Qëllimi i vizitës së Baka në Milanello sot nuk ishte për tu stërvitur, por për të boshatisur dollapin e tij në dhomën e zhveshjes, si dhe për tu përshëndetur me shokët e ekipit, për tu larguar më pas nga qendra stërvitore kuqezi dhe për tu përgatitur për sfidën e re që e pret. Baça përshëndet kështu Milan pas 77 ndeshjesh zyrtare dhe 34 golash të shënuar në dy sezone. Transferimi i Baka te Villarreal raportohet se do të ndodhë për një shumë të parashikuar në 20 milionë euro, pas një viti huazim. /b.d
