Një delegacion zyrtar nga Ministria e Mbrojtjes Kombëtare e Kinës vizitoi selinë e Bashkimit Evropian (BE) dhe Organizatës së Traktatit të Atlantikut të Veriut (NATO), si dhe Zvicrën këtë javë, dhe zhvilloi disa raunde bisedimesh me homologët e tyre evropianë mbi sigurinë dhe mbrojtjen, njofton CGTN.
Konsultimet e 15-ta për sigurinë dhe mbrojtjen Kinë-BE u zhvilluan në Bruksel , gjatë të cilave të dyja palët diskutuan një sërë sfidash globale të sigurisë.
Sipas Shërbimit Evropian të Veprimit të Jashtëm, të dyja palët shkëmbyen pikëpamje mbi krizën e Ukrainës, zhvillimet rajonale në Azi-Paqësor dhe situatën në Iran dhe në rajonin e gjerë të Lindjes së Mesme.
Konsultimet u bashkëkryesuan nga zyrtarë të lartë nga të dyja palët, përfshirë Gjeneral Major Guo Hongtao, zëvendësdrejtor i Zyrës për Bashkëpunim Ushtarak Ndërkombëtar, dhe Benedikta von Seherr-Thoss, drejtoreshë menaxhuese për Paqen, Sigurinë dhe Mbrojtjen në Shërbimin Evropian të Veprimit të Jashtëm.
Delegacioni kinez zhvilloi gjithashtu dialogun e 9-të mbi politikën e sigurisë me stafin ushtarak të NATO-s në kryeqytetin belg. Ndërkohë, në dialogun e 15-të Kinë-Zvicër për koordinimin e politikave të mbrojtjes, të dyja palët shkëmbyen pikëpamje mbi çështjet ndërkombëtare dhe rajonale të sigurisë me interes të ndërsjellë.
