Presidenti Ilir Meta ka zhvilluar pasditen e sotme një takim me kryeministrin e Hungarisë Viktor Orban, të cilin e konsideron një mik të sinqertë të Shqipërisë.
“Bisedë e hapur, e ngrohtë dhe produktive për shumë çështje me interes të përbashkët”, shkruan kreu i shtetit në rrjetet sociale lidhur me takimin me kreun e qeverisë hungareze.
Presidenti i Shqipërisë ka publikuar pamje nga takimi me udhëheqësin e Hungarisë, vend ku Ilir Meta po zhvillon një vizitë zyrtare.
Me sa duket bisedimet kane qene te frytshme, teksa ka zgjatur shume vizita e Metes ne Hungari, kete here i shoqeruar nga Zonja e Pare Monika Kryemadhi, si nje vizite thjeshte per perurimin e vendosjes se bustit te heroit tone kombetar Gjergj Kastriot Skenderbeu, me financim te bashkise se Tiranes dhe pjesemarrjen e Erion Veliajt.
Theksojme se Hungaria eshte vendi ku ish kryeministri maqedonas Nikola Gruevski ka marre azil politik, pasi akuzave dhe denimit te tij per korrupsion!
Mesazhi i plotë i Metës:
Përherë kënaqësi të takohem me Kryeministrin Orban, mik i sinqertë i Shqipërisë, të cilin e falenderoj për pritjen, si gjithmonë të veçantë.
Bisedë e hapur, e ngrohtë dhe produktive për shumë çështje me interes të përbashkët, në dobi të qytetarëve tanë dhe forcimit të marrëdhënieve të shkëlqyera dypalëshe historike, tradicionale dhe premtuese për të ardhmen./m.j
