Fill pas lajmit se dy motrat Kajtazi janë gjetur në qytetin e Vlorës, kanë folur edhe prindërit e tyre.
Babi i Orialdës dhe K. është shprehur se mezi pret që vajzat e tij të mbërrijnë nga Policia e Vlorës, në drejtorinë e Durrësit. Duke folur për gazetaren Klodjana Haxhiaj të News24, Hiqmet Kajtazi ka thënë se do t’i përqafojë ato, duke nënkuptuar kështu se i ka falur.
E megjithatë, dy motrat do të përballen me togat e zeza, por babai mund t’ua lehtësojë dënimin duke tërhequr akuzat. Dy motrat helmuan familjen në Durrës, dogjën shtëpinë dhe grabitën rreth 5 milionë lekë kursime të Hiqmetit që kishte qenë emigrant.
Ato janë gjetur në gjendje të mirë shëndetësore në Vlorë, në një banesë të marrë me qira. Mësohet se shuma e parave nuk është konsumuar e gjitha.
