Kryeministri i Kosovës Albin Kurti ka uruar presidentin e sapozgjedhur të SHBA-së, Donald Trump për fitoren. Në një postim në rrjete sociale, kreu i qeverisë së Kosovës, e cilëson SHBA-në një aleat, mik dhe partner kyç dhe mezi pret të punojmë së bashku për përparim dhe paqe.
“Urime President Donald Trump për fitoren tuaj elektorale. SHBA-ja është një aleat, mik dhe partner kyç i Kosovës dhe ne mezi presim të punojmë së bashku për përparim dhe paqe”, shkruan Kurti.
Urimi i Kurtit erdhi pas publikimit të rezultateve ku Donald Trump siguroi mbi 270 vota të kolegjit Zgjedhor, duke i mundësuar edhe fitoren e bindshme, kundrejt rivales Kamala Harris.
/a.r
