Ilir Meta tha sot se takimi mes tij dhe djalit të George Soros ka qenë i planifikuar prej kohësh. I pyetur nëse ka një tërheqje pas akuzave të tij ndaj filantropistit të njohur, Meta e quajti absurde këtë hipotezë.
Kreu i Shtetit, raporton JavaNews, tha se takimi u kërkua me insistim nga Aleks Soros.
Sipas Metës, ai ia ka përsëritur në sy qëndrimin e tij që ka artikuluar më parë edhe në media, shkruan JavaNews.al
“Takimi im me Aleks Soros u dramatizua. Që Ilir Meta të dorëzohet, kjo është naive.
Por që Ilir Meta të takojë dikë që t’ia thotë në sy atë që mendon, është normale.
Aq më tepër kur kërkon një takim me insistim. Unë e kam thënë që është i mirëpritur në Shqipëri, por jo për këto gjëra.
Pra nëse dikton kapjen e shtetit… Unë i kam shprehur qëndrimet e mia” – tha Ilir Meta mbrëmjen e së enjtes.
/JavaNews/a.r
