Presidenti i zgjedhur Ilir Meta reagoi në lidhje me deklaratën e Gramoz Ruçit i cili tha se “Meta do të shkarkohet nëse nuk dekreton qeverinë pas zgjedhjeve”. pas kësaj deklarate ish-kryetari i LSI nuk u tërhoq nga deklarata e tij që nuk e quan kërcënim për PS.
“Nuk është shantazh, nuk është kërcënim, është një premtim, dhe unë i mbaj premtimet! Nuk ka shans Rilindja të sharkojë Ilir Metën. Janë shqiptarët që do shkarkojnë Rilindjen”, tha Meta.
Meta ka reaguar pas deklaratës së dhënë një ditë më parë nga kryeministri Edi Rama për angazhimin e policëve në fushatë pas orarit të punës. Sipas Metës kjo deklaratë është jo vetëm e papërgjegjshme, por edhe antiligjore. Meta tha se “policisë nuk i duhen zgjedhjet, pasi i mjafton njolla e drogës”.
“Dua të shpreh shqetësimin e thellë për deklaratën tërësisht jo vetëm të papërgjegjshme, por edhe të jashtëligjshme të kryeministrit Rama, që është praktikisht thirrje e hapur e përdorimit të policisë në zgjedhje. Kam komunikuar sot me Minsitrin e Brendshëm, e kam përshëndetur për qëndrimin e tij. T’i bësh thirrje policisë hiqni kapen dhe blini votat për Rilindjen ëhstë fundi i shtetit. Nuk ka ndodhur as në kohën e Berishës së parë dhe Berishës së dytë jo e jo.
”, deklaroi Meta.
Por, sot rama kërkoi ndjesë për deklaratën përmes llogarisë në facebook. I pyetur nga agzetarët për këtë tërheqje të ramës, meta bëri këtë koment:
“Nuk është çështje ndjese. Është e qartë që rruga që ai ka ndjekur është rruga e presionit”.
Ai akuzoi policinë për lidhje me grupet kriminale.
