Kreu i shtetit Ilir Meta ka bërë thirrje për hapa pas për të rivendosur normalitetin politik, kushtetues dhe institucional në Shqipëri. Kështu, thirrja e presidentit i drejtohet opozitës dhe qeverisë. Megjithatë, nuk dihet se sa të vlefshëm janë në këtë moment hapat pas, kur Komisioni Qendror i Zgjedhjeve ka nisur t’i japë mandatet e deputetit kandidatëve pasues në listat e zgjedhjeve parlamentare të 2017-ës. 4 të parët morën sot mandatin nga KQZ, ndërsa parlamenti mbetet legjitim, siç edhe ndërkombëtarët e kanë deklaruar pasi ka shumicën për të vazhduar punën, deri më tani me 85 deputetë. (79 të mazhornacës, Murrizi i PD-së, Lefter Koka i LSI-së, dhe 4 deputetët e rinj që betohen nesër në Kuvend).
Por Meta e ka qujtuar situaten aktuale krizë politike, kushtetuese dhe institucionale, gje qe ne nje fare menyre duket si nje perpjekje per te deligjitimuar zevendesimet qe po behen. Sinjalet per kete i dha disa ore para Metes edhe zyrtari i larte i LSI Luan Rama, sipas te cilit, zevendesimet jane jo kushtetuese pasi Kuvendi ende nuk ka legalzuar doreheqjen e deputeteve te PD- LSI. Gjithesesi Presidenti Ilir Meta, theksoi se vazhdimisht ka apeluar mes palëve politike për diaolg.
“Dua të përqendroheshim në çështjet konkrete, por nuk mund të ndaloj pyetjet tuaja, kështu që mund të deklaroj se jemi në kushtet e një krize politike kushtetuese dhe institucionale, e cila mund dhe duhet të ishte shmangur në mënyrë të vijueshme kam apeluar për dialog mes palëve, jo vetëm për të evituar këtë situatë, por për ti paraprirë atij vendimi të rëndësishëm që u paralajmërua në qershorin e kaluar për negociatat në qershorin që po vjen dhe një ditë pas vendimit të qershorit kam thënë se duhet të vijojmë punën qeveri-opozitë, pasi mund të ikë një vit dhe të mbesim në vend. Palët të bëjnë hapa pas dhe të reflektojnë për të vendosur normalitetin politik dhe kushtetues në vend. Unë besoj se kur ka vullnet dhe vihen në plan të parë interesi kombëtar, që duhet të na motivojë shumë. Ka të bëjë edhe më një vendim të mundshëm të BE për çështjen e negociatave, duhet të na shtyjë drejt zgjidhjes politike të kësaj situate” tha ai.
LSI
Pak ore me pare Luan Rama, zv/kryetar i Lëvizjes Socialiste për Integrim, komentoi marrjen e mandateve nga ana e 4 deputetëve të rinj nga lista e LSI-së. Sipas tij, “KQZ-ja nuk duhet të bëhet pjesë e kësaj farse”.
“Puna e Kuvendit dhe komisionet kanë rregulla strikte se si procedohet. KQZ-ja është investuar pa u zbatuar ligji pasi është detyrim ligjor që çdo deputet që largohet, duhet ta shprehë këtë në një seancë publike pasi nuk është thirrur komisioni përkatës i Kuvendit për të legalizuar djegien e mandateve të opozitës”, deklaroi Luan Rama.
Më tej, Luan Rama theksoi: “Kushtetuta thotë se Kuvendi përbëhet nga 140 deputetë dhe në momentin kur nuk janë aq, nuk është më Kuvend. Edhe një kur ikën, zëvendësohet menjëherë. Pavarësisht makinacioneve që bëhen, nuk shkohet te numri 140”.
/a.meta/javanews.al
