Presidenti Ilir Meta bën thirrje për një plan të qartë për të përballuar pandeminë e Covid-19. Referuar shifrave të fundit, Kreu i Shtetit thotë se ky është niveli më i lartë i shënuar, që pas javës së dytë të dhjetorit.
Në një status në Facebook, Presidenti Meta shkruan se Covid nuk ndalet me propagandë
“Sipas të dhënave zyrtare të përpunuara nga “Zëri i Amerikës”, numri i të prekurve nga pandemia arriti në 4830, ose 20.4 përqind më shumë se një javë më parë.
Ky është niveli më i lartë i shënuar, që pas javës së dytë të dhjetorit.
Nevojitet një plan i qartë, që duhet ta kishim prej kohësh, për menaxhimin efikas të situatës, përmirësimin e prekshëm të kushteve në spitale, rritjen e masave mbrojtëse për mjekët e infermierët dhe veçanërisht për vaksinimin e popullatës.
COVID-19 nuk ndalet me propagandë.
Shëndeti dhe jeta e shqiptarëve duhet të jenë prioritet absolut”, shkruan Kreu i Shtetit.
g.kosovari
