Kryetari i Kuvendit Ilir Meta duket se i ka mbyllur derën opozitës e cila shpresonte në një lëvizje surprizë nga ana e tij për largim nga mazhoranca dhe për të ngritur një qeveri teknike. Kreu i LSI deklaroi për mediat para mbeldhjes së kryesisë së kësaj force se opozita duhet të kthehet në Kuvend.
“Dialogu me opozitën është kyç për integrimin në BE. Parlamenti në radhë të parë është i opozitës, mazhoranca ka edhe qeverinë. Është e mirëpritur që të çojë përpara kërkesat e saj. Parlamenti pa opozitën nuk ka kuptim. Duhet të rritet besimi i shqiptarëve tek zgjedhjet dhe të përmirësohet klima politike”, deklaroi Meta.
Ndërkohë ai komentoi edhe takimin me kryeministrin Rama.
“Nuk dua të hyj në çështje konkrete dhe në çështje specifike. Rëndësinë e vazhdimit të reformës në drejtësi në mënyrën më kushtetuese, ligjore dhe transparente dhe kjo çështje e domosdoshme dhe së dyti rëndësinë e dialogut për të garantuar standardet më të larta evropiane të zgjedhjeve më 18 qershor dhe kjo kërkon klimë dialogu dhe bashkëpunimi.Negociatat nuk hapen pa u zbatuar në mënyrë korrekte ligji i vettingut dhe pa u realizuar zgjedhjet me standarde të larta në 18 qershor. Të ecim përpara.”, deklaroi Meta.
Ndërkohë në lidhje me mbledhjen e kryesisë së LSI Meta tha se “ishte parashikuar, nuk u vendos pas darkës me Ramën”.
/a.m.
