Presidenti Ilir Meta i ka dërguar një letër të dytë KQZ-së ku i kërkon informacion mbi praktikën që është ndjekur për zëvendësimin e deputetëve të PD-së dhe LSI-së, që u larguan nga Kuvendi duke djegur mandatet.
Kjo pas kthim përgjigje që KQZ kishte bërë duke e informuar lidhur me numrin e mandateve dhe emrat e deputeteve që ndodheshin aktualisht në kuvend.
Në shkresën që mban datën 20 qershor presidenti i kërkon KQZ-së praktikën shkresore të administruar në KQZ për njoftimin e krijimit të vakancës në Kuvendin e Shqipërisë për shkak të përfundimit të parakohshëm të mandatit të çdo deputeti të Kuvendit të Shqipërisë ku përfshihet dhe kopja e njoftimit të Kuvendit dhe kopja e dorëheqjes së deputetit nga mandati.
Gjithashtu i kërkohen dhe kopje të vendimeve të KQZ për dhënien e mandatit të kandidatit të radhës në listën shumëemërore për çdo vakancë të parakohshme të krijuar dhe të zëvendësuar deri tani në Kuvend./l.m
