Presidenti Ilir Meta reagon ndaj tensioneve te Unaza e Re, ku banorët banesat e të cilëve preken nga projekti i Unazës së Madhe u përplasën me policinë qysh në orët e para të ditës së sotme dhe për pasojë pesë efektivë mbetën të plagosur, ashtu sikundër edhe shtatë qytetarë.
Meta thotë se banorët duhet të kenë kujdes nga provokimet dhe se dhuna daj tyre është e përsëritur sot ndaj banorëve të Unazës së Re, duke nënkuptuar kështu veprimet e policisë.
Sipas presidentitm, banorët po protestojnë në mbrojtje të shtëpive dhe të pronave të tyre.
“Arroganca përballë mjerimit dhe traumës që po u shkaktohet këtyre familjeve për muaj të tërë është e patolerueshme. Banorët të ruajnë qetësinë dhe të mos bien pre e provokimeve dhe palët të ulen menjëherë në dialog. U uroj shërim të shpejtë të gjithë të plagosurve”, shkruan Presidenti.
IKMT ka prishur sot 5 objektet e para tek zona e “Astir” për projektin e Unazës se Madhe. Aksioni ka nisur në orët e para të mëngjesit, ndërkohë që deri norën 10.00 janë prishur 2 objekte trekatëshe, 2 dykatëshe dhe 1 njëkatëshe.
Aktualisht 4 mjete të IKMT janë duke punuar në 2 objekte të tjera. Janë 33 objekte që do të prishen, prej të cilave 21 janë shpronësuar, ndërsa të tjërat janë skualifikuar nga procesi i legalizimit.
Ndërkohë që Presidenti ndodhet në Paris, ku po merr pjesë në Forumin e Paqes.
/a.r
