Mëngjesin e sotëm nisën edhe prishjet e ndërtimeve pa leje në zonën e Astirit për t’i hapur rrugën projektit të Unazës së Madhe.
Në një prononcim për mediat banorët duket se janë dorëzuar dhe se nuk u kanë mbetur gjë tjetër për të bërë.
Ata shprehen se janë të zhgënjyer nga të gjithë, veçanërisht nga opozita e cila i braktisi.
“Ne bëmë atë që mundëm. Ne nuk jemi ushtri, jemi thjesht një komunitet. Kemi qenë të ngujuar që dje por nuk jemi mbështetur nga askush. Jemi të zhgënjyer si nga opozita ashtu edhe nga qytetarët”, tha një banor për kamerat.
/a.r
