Kryeparlamentari Ilir Meta, gjatë konferencës së sotme për shtyp ku doli në krah të kryeprokurorit Adriatik Llalla, ka perifrazuar edhe një varg nga mjeshtri i letrave shqipe Dritëro Agolli, një varg ky alegorik pa një adresë të caktuar, por në kontekstin e konferencës për shtyp duket se i adresohet ambasadorit amerikan, Donald Lu. Sipas Metës “një kokë e çmendur po i çmend të gjithë”.
“Isha i ri rrija në krah me Dritëro Agollit në Kuvend që të mësoja sa më shumë dhe ai shkroi disa rreshta: Në vendin tim dhe në vendin tënd një kokë e çmendur të gjithë i çmend…Nuk thashë se kush ishte dhe kush është por kemi nevojë për stabilitet midis institucioneve”,- deklaroi Meta.
ma.me
