Përmes një njoftimi për shtyp, kreu i Kuvendit Ilir Meta ka reaguar në lidhje me arrestimin e Ramush Haradinajt në Francë, duke e cilësuar ndalimin si një veprim të pakuptimtë, që dëmton marrëdhëniet mes Serbisë dhe Kosovës.
Lajmi për arrestimin, shkruhet në njoftim ka besuar kreun e kuvendit, i cili shprehet se ndalimi është kryer në bazë të një urdhëri të vjetër arresti.
“Kryetari Meta beson se autoritetet policore franceze do të qartësojnë rrethanat e pakuptimta të këtij ndalimi dhe do të veprojnë shpejt për t’i kthyer të drejtën e lëvizjes së lirë dhe të ligjshme kryetarit të AAK-së.
Kryetari Meta thekson se ky veprim është i pakuptimtë, i papranueshëm dhe nuk ndihmon frymën e dialogut dhe bashkëpunimit të deritanishëm mes Prishtinës dhe Beogradit.
Meta u bën thirrje autoriteteve franceze dhe atyre të Bashkimit Evropian për të zgjidhur këtë incident, për të qartësuar qëndrimin e tyre lidhur më këtë rast e për të parandaluar përsëritjen e rasteve të tilla në të ardhmen.”– shkruhet në njoftim./java/a.k
