Presidenti Ilir Meta i ka shprehur ngushëllimet peshëngritësit shqiptar Pirro Dhima për humbjen e nënës së tij.
Përmes një postimi në Twitter, Meta shkruan se Lefteri Dhima, mund të jetonte kudo por zgjodhi HImarën e mrekullueshme.
Postimi i Ilir Metës:
Sapo i shpreha ngushëllimet më të sinqerta për humbjen e nënës së tij, superkampionit olimpik Pirro Dhima dhe nëpërmjet tij, të gjithë familjes së dashur Dhima. Edhe pse mund të jetonte kudo, e ndjera Lefteri Dhima, zgjodhi të jetojë në Himarën e mrekullueshme ku lutem, që shpirti i saj të prehet në paqe.
Ditën e djeshme, nëna e Pirro Dhimës u gjet e pajetë në banesën e saj në Himarë nga fqinjët e të moshuarës. Sipas policisë, dyshohet se 75-vjeçarja ka ndërruar jetë disa ditë më parë.
Fqinjët u shprehën se nuk kishin marrë asnjë informacion nga e moshuara prej ditësh, ndaj të shqetësuar thirrën policinë. Panorama.al mëson se e ndjera ndërroi jetë si pasojë e një arresti kardiak.
