Meta: Nano duhej të vinte në Kongres, s’di që Blushi të ketë platformë për kryetar të PS-së

Edhe kryetari i LSI, Ilir Meta, ka dhënë komentet e tij lidhur me mungesën e ish kryetarit të PS-së, Fatos Nano, në kongresin e PS-së.  Ai në një prononcim për mediat është shprehur se do ishte mirë që në këtë Kongres të ishte I pranishëm edhe Fatos Nano. Lidhur me debatin brenda PS-së mes Ramës dhe Blushit për zgjedhjen e kryetarit, kryeparlamentari është shprehur në mënyrë lakonike se nuk di që Blushi të ketë shpallur platformë për kryetar partie.   Lidhur me zgjedhjet brenda LSI-së për postin e kryetarit të kësaj force politike, Meta ka nënvizuar se nuk ka ngjashmëri mes rastit të tij dhe debatit Rama- Blushi, duke lënë të kuptohet se kushdo është i lirë që të paraqesë platformë dhe të kandidojë përballë tij.