Krimet seksuale përgjatë vitit 2015 krahasuar me 2014 janë rritur dhe qytetet më të prekura nga ky fenomen janë Tirana dhe Saranda.Ky fakt bëhet publik nga prokuroria e përgjithshme ku rezulton se në këto qytete janë shënuar 16 raste të hetuara me nga 8 përsecilin qytet.
Afro 95 % e personave të përfshirë në këto krime sipas raportit rezultojnë se janë meshkuj mbi 18 vjec dhe 5 % e tyre femra. Në listën e qyteteve të prekura nga ky fenomen përgjatë 2015 përfshihen Vlora me 5 raste, Durrësi me 4 raste, ndjekur nga Lushnja e Berati me nga 2 raste dhe Fieri e Kurbini me nga 1 rast.
Në këto krime përfshihen veprat penale si “mardhënia seksaule me dhunë me të rritura”, “veprat e turpshme”, si dhe mardhëniet seksuale ose homoseksuale me të mitur e persona me moshë 14 deri në 18 vjeç. Përgjatë vitit 2014 në të gjithë vendin janë regjistruar 88 procedime penale ndërsa në 2015 numri i këtyre procedimeve ka shkuar në 102 raste, duke shënuar një rritje me 16 %.
Sipas raportit dy nga elementët që ndikojnë në kryerjen e këtij krimi janë arsimimi i personave dhe vëndbanimi i tyre, ku sipas analizës së shifrave rezulton se krimet seksuale kryhen më shumë në qytet.
