Avokati Edmond Petraj thotë se akzuat ndaj ish presidentit Ilir Meta, janë të rënda.
Në një intervistë për “Tirana Live” në ABC News, Petraj u shpreh se vendimi për ta lënë burg Metën, ishte e pritshme.
Petraj u shpreh se Meta duhet të fokusohet te dosjet dhe jo merret me organin e akuzës.
“Ishte një situatë e pritshme, që do kërkonte zëvendësimin e masës. Situata e ish presidentit nuk po ndryshon, duhet ta marrë më seriozisht gjendjen e tij juridike. Duhet parë me kalimin e kohës, akuzat janë të rënda. Nuk je më president, je te 313-ta, ke akuza të rënda, duhet ta marrësh me seriozitet. Kartën e kanë përdorur çifti Meta. Mendoj se duhet të ishte më i përgatitur për t’u përballur me këtë pikë, për fshehjen e të ardhurave. Duhet ta kishte mësuar pak procedurën penale. Bën gabim që merret me organin e akuzës. Je ti ai që duhet të përballesh me organin e akuzës. Problemi, ai duhet të fokusohet te dosjet. Nuk pres diçka, por nëse kanë ardhur letërporosi të kërkuara në Qipro apo disa vende të BE, që mund të kenë ardhur infirmacion, duke qenë se janë depozituar si prova, duhet parë. Kam përshtypjen që zoti Meta do shkojë me gjykim themeli”, theksoi ai.
