TIRANË/ Presidenti i vendit, Ilir Meta ka reaguar lidhur protestën e dhunshme në Kukës dhe mosbindjen civile të opozitës, ku bllokoi disa akse rrugore gjatë ditës së djeshme.
Meta deklaroi se vendi nuk ka luksin të këputet asnjë lule, duke dënuar në këtë mënyrë dhunën dhe djegien e gomave.
“Jam përpjekur të jap mesazhet e duhura por dua të theksoj se ne nuk kemi luksin as të këpusim një lule meqënëse kanë nisur të çelin për shkak të pranverës dhe për shkak të dëmeve që ka pësuar vendi nga mungesa e dialogut dhe fryma e përjashtimit”, tha Meta
Presidenti i vendit kërkoi dialog mes maxhorancës dhe opozitës, në mënyrë që të evitohen tensionet e panevojshme.
“Mesazhi im i qartë. Opozita ka mundësi të shfrytëzoje instrumentet e saj për të rritur kontrollin parlamentar, ndërsa maxhoranca do të jetë më e interesuar për dialog të rëndësishmë me opozitën dhe komunitetit, në mënyrë që të evitohen tensionet e panevojshme“, deklaroi kreu i shtetit.
Meta dënoi edhe thirrjen antikushtetuese të opozitës për mospagimin e taksave.
“Shteti qëndron në bazë të kontributit të çdo qytetari. Qeveria dhe opozita duhet të rrisin transparencën”, deklaroi presidenti
Kreu i shtetit refuzoi të flasë për lëvizjet në SHISH, ku raportohet se janë zëvendësuar gjithë krerët e drejtorive
Javanews/a.ç
