Ne morinë e postimeve të habitshme që bën, Ilir Meta ka surprizuar sërish. Ai ka kujtuar kthimin në Shqipëri të familjes Zogu. Një ngjarje kjo që nuk shënon as përvjetor dhe as ndonjë rëndësi historike.
Meta shkon më tej. Ai thotë se shqiptarët i kthyen shpinën familjes në fjalë. Por sipas tij, Geraldina i qëndroi besnike Atdheut.
Kujtojmë se familjen Zogu e priti asokohe Monika Kryemadhi, ndërsa atyre iu sekuestrua një arsenal i madh armësh, që kishin marrë me vete nga Johanesburgu, shkruan javanews.
Ja çfarë shkruan Ilir Meta:
Rikthimi i Familjes Mbretërore shqiptare në Atdhe 18 vite më parë, pas mbi 6 dekada mërgimi të detyruar është një ngjarje historike për të gjithë shqiptarët.
Edhe pse me vonesë ishte një akt pajtimi dhe rivlerësimi për kontributin e pamohueshem të Mbretit të shqiptarëve, Ahmet Zogut për krijimin dhe funksionimin e shtetit shqiptar modern.
Aq më tepër kur këtë vit festuam 100-vjetorin e Kongresit të Lushnjes ku roli i Tij ka qenë madhor, jo vetëm per realizimin e tij por edhe zbatimin e vendimeve të këtij Kongresi.
Në këtë ditë të shënuar një mirënjohje e veçantë i takon Mbretëreshës Geraldinë e cila në një moshë shumë të re vendosi të bëhej shqiptare dhe i qëndroi besnike përgjithmonë Atdheut që zgjodhi edhe kur ai i ktheu shpinën.
Ajo mbetet një shembull i sakrificës, i vetëmohimit, i dashurisë njerëzore dhe familjare, i faljes dhe tolerancës, por mbi të gjitha i besnikërisë pa kushte ndaj Atdheut. 🇦🇱
/JavaNews/ a.r
Hajdutat e florinit jane ba bashke