Edhe presidenti nuk i ndahet tani ditëve që përkujtojnë problematika. Presidenti Ilir Meta, në Ditën Botërore të Zhdukjes së Skllavërisë, ka bërë një apel të fortë për të rehabilituar viktimat e skllavërisë moderne.
“Në Ditën Botërore për Zhdukjen e Skllavërisë apeloj fort për të menduar për mbështetjen dhe rehabilitimin e viktimave të skllavërisë moderne, të cilët janë njerëz dhe nuk meritojnë të trajtohen si shifra nëpër raporte.
Fund plagës së skllavërisë moderne që shkatërron jetë, familje e shoqërinë dhe ushqen krimin e organizuar në kurriz të stabilitetit, sigurisë e sundimit të ligjit”, shkruan Presidenti në Facebook.
