Presidenti Meta i ka cilësuar si të papranueshme dhe të pamundura, idetë destruktive sipas tij, për ndarje të Kosovës, apo shkëmbime territoresh mes Serbinë.
Deklaratën e tij Presidenti Meta e bëri gjatë një takimi me delegacionin e Këshillit Europian për Marrëdhëniet me Jashtë, kryesuar nga z.Carl Bildt, ish-Kryeministër dhe Ministër i Punëve të Jashtme të Suedisë.
“E Konsideroj të papranueshme dhe të pamundur idetë destruktive për ndarje apo shkëmbime territoresh. Tentativa të dëshpëruara për mbivendosjen e agjendave populiste mbi agjendat jetike të integrimit dhe stabilitetit”, është shprehur Meta.
Më tej ai ka theksuar se programi i vetëm i punës në tryezat e drejtuesve politikë duhet të jenë zgjidhja e problemeve e shqetësimeve reale të qytetarëve.
“Prioritet në secilin vend, sundimin e ligjit dhe demokracisë”, theksoi Meta.
a.ç
