Meta del të urojë fëmijët dhe flet për protestën tek plehrat: Ose me ne, ose me Ramën! S’ka rrugë tjetër!

Ilir Meta ka dalë sot në një konferencë që të urojë fëmijët për ditën e parë të shkollës. Mirëpo s’i ka rezituar dot tundimit të pushtetit, duke u ndalur te pjesmarrja në protestën e paralajmëruar në inceneratorin e Tiranës.

Ai tha se kjo do të jetë një protestë e qytetarëve dhe nuk do të ketë asnjë flamur partie.

Meta tha ndër të tjera se “për të qenë opozitar ka vetëm 1 kriter, që është të qenit kundër Edi Ramës atje ku i dhemb më shumë, që është hajdutëria e tij e paskrupullt.”

“Atje ku padrejtësia kthehet në ligj, rezistenca është detyrë për të gjithë. Në Shqipëri korrupsioni dhe mafia kanë vendosur sistemin e tyre, afera e inceneratorëve është afera më e skandaloze e kapjes së shtetit për fyti, e shkatërrimit të intetersit publik dhe vjedhjes së qindra miliona eurove nga persona që janë në kërkim ndërkombëtar. Vetëm një person është në krye të kësaj dhe që ka garantuar mbarëvajtjen e kësaj vjedhjeje. Rama ka bërë 14 vendime brenda një ditë, të gjitha të paligjshme vetëm për ti hapur rrugë kësaj afere. Me firma të falsifikuara qarkullojnë miliona euro. Ne ndërmorrëm këtë iniciativë, kjo do jetë protestë e qytetarëve. Shqiptarët duhet të protestojnë çdo ditë e çdo minutë, pasi këtu vidhet përditë dhe po përgatiten vjedhje të tjera. Është detyra e çdo qytetari që ndihet i vjedhur të protestojë dhe të jetë atje. Në këtë manifestim do të jemi të githë me flamurin e qytetarisë dhe me asnjë flamur partie apo force politike. Është vetëm 1 kriter për të qenë opozitar, a je apo jo kundër Edi Ramës atje ku i dhemb më shumë, që është hajdutëria e tij e paskrupullt”, u shpreh Meta.

/a.r