Kreu i Lëvizjes Socialiste për Integrim foli sot në mbledhjen e kryesisë së partisë që ai drejton, duke vënë theksin në procesin e dekriminalizimit.
“Ne jemi të vendosur për të realizuar sa më shpejt procesin e dekriminalizimit pa asnjë vonesë dhe hezitim. Në këtë mënyrë do të çrrënjoset njëherë e mirë çdo ndikim kriminal në politikë dhe do t’i jepet fund retorikës helmuese” – tha Meta.
Ai u shpreh se LSI vlerëson faktin që ky proces ka hyrë në transenë e konsesusit.
Nga ana tjetër, kreu i Kuvendit që drejton edhe LSI theksoi se edhe reforma në drejtësi është në fokus të LSI.
“Reforma synon një ndryshim rrënjësor të sistemit të Drejtësisë duke goditur kështu korrupsionin dhe krimin e organizuar” – tha kreu i LSI.
Në fjalën e tij, Ilir Meta listoi edhe integrimin e Shqipërisë në BE si proces me rëndësi, ndërsa sa i përket raportit të ODIHR ai u shpreh se raporti në fjalë duhet të shërbejë si platformë për të përmirësuar sistemin zgjedhor.
