Amber Rose i fal mëkatarët
Amber Rose ka treguar përpara publikut dhe kamerave se di t’i falë mëkatarët. Bëhet fjalë për Kanye West dhe Wiz Khalifa, të cilët kanë mëkatuar kundrejt artistes amerikane, kur kanë përdorur fjalor të pa përshtatshëm për të.
Mes lotëve, e pranishme në eventin SlutWalk, Amber Rose deklaroi se e ka falur Kanye West, kur ka thënë se iu deshën 30 dushe për t’u pastruar pas ndarjes nga ajo dhe Wiz Khalifën, që e ka quajtur striptiste.
E pranishme në skenë ajo ka thënë: “Edhe pse ndodhem këtu mes lotëve, unë do të jem një person i fortë dhe i fal ata për gabimet. E fal Kanye -n për atë që ka thënë. Dua ta mbaj të gjithë negativitetin larg”.
Në lidhje me Wiz Khalifa ajo ka thënë se ka qenë dashuria e jetës së saj, i ka dhuruar një djalë të mrekullueshëm, Sebastianin dhe për hir të kësaj e fal edhe atë.
“Wiz e ka kuptuar tashmë ndikimin e fjalëvë të tij dhe çfarë ka thënë për gruan që dikur e ka dashur. Ai më kërkoi ndjesë dhe unë e fal”, ka përfunduar Amber.
