Kryetari i i Kuvendit, Ilir Meta ftoi të enjten kandidatët e opozitës për zgjedhjet vendore të 21 qershorit të përballen në debate publike për programet për zhvillimin e qyteteve dhe të mos ngrenë akuza të pabaza.
“Përse nuk i lini kandidatët tuaj të ballafaqohen në debate , si në Lezhë edhe në Tiranë e kudo tjetër”, deklaroi Meta, ndërsa vijoi duke thënë se “ne fushatën e bëjmë ditën dhe jo natën”.
Do të shkojmë kudo të takojmë e bisedojmë me njerëzit, vijoi fjalën Meta, edhe në shtëpi kur na ftojnë.
“Ikim edhe bashkë në shtëpitë e lezhjanëve. Por në rast se doni transparencë dilni edhe bëni debat. Ti me deputeten dhe trego çfarë është bërë në Shën Koll dhe mëso edhe çfarë është bërë në Lezhë. Edhe kandidati juaj të dali në debat e të tregojë si ka ndritur Shën Kollin të ndriçojë edhe gjithë bashkinë e madhe të Lezhës. Kjo nëse duam të flasim për transparencë dhe jo për të të dëmtuar imazhin e zgjedhjeve”, iu përgjigj Meta.
Deputeti Aldo Bumçi gjatë fjalës së tij në seancën plenare të së enjtes ngriti pretendimet e tij se në Lezhë dhe Shën Koll, maxhoranca po blen vota dhe se krerët e së majtës nuk janë të mirëpritur.
Ndërkohë Kuvendi po vijon punimet në senacë plenare të radhsë prej më shumë se 5 orësh ku në rend të ditës janë disa projektligje me karakter ekonomik, si dhe parashikohet edhe një interpelancë e ministrit të Jashtëm, Ditmir Bushati kërkuar nga deputetja e Partisë Demokratike, Mesila Doda.
