Kryetari i Kuvendit Ilir Meta zhvilloi një bisedë telefonike me Komisionerin për Zgjerimin në BE Johanes Hahn në lidhje me reformën në drejtësi.
Meta informoi Hahn në lidhje me progresin e bërë për gjetjen e konsensusit.
Lajmi u konfirmua nga kryetari i grupit të deputetëve të LSI Petrit Vasili i cili deklaroi se komisioneri u informua për negociatat në nivel ekspertësh.
“Meta informoi Johanes Hahn në lidhje me negociatat që po zhvillohen mes tre partive kryesore në nivel ekspertësh dhe po punohet për gjetjen e konsensusit. Lëvizja socialiste për Integrim e ka shprehur qëndrimin e saj për të votuar pro reformës. Jemi më afër se kurrë gjetjes së konsensusit në 1 vit e gjysëm prej nisjes së procesit”, deklaroi Vasili./a.m.
