Ilir Meta e ka nisur fjalën e tij në mitingun elektoral të LSI-së duke deklaruar se në Tiranë do të marrin 12 mandate deputetësh.
Ai ka sulmuar sondazhet mediatike duke u shprehur se janë të pashpresa sikurse janë tharë palmat e Rilindjes ne autostradën Tiranë-Durrës.
“Aq mandate saç mori LSI përpara 4 vitesh, aq do t’i marrë vetëm në Tiranë më 25 qershor” – tha Meta.
Presidenti i zgjedhur foli para mbështetësve në sheshin “Skënderbej” teksa sulmoi ata që i quajti kryetarë bashkish me rekorde kriminale të prodhuar nga Rilindja.
“Kur të tjerët ia fusnin vrapit për t’u fshehur në Maqedoni dhe e linin vendin në duart e Sali Berishës, unë i kam treguar vendin atij kur ka prekur institucionet” – tha.
Ai ka përmendur shpesh Berishën në fjalën e tij, teksa e cilësoi si më bashkëpunuesin gjatë negociatave për të votuar unanimisht Reformën në Drejtësi.
“Përpara se të miratohej reforma, për fatin tim të keq, kam qenë i detyruar të bashkëpunoj. Më seriozi ka qenë Sali Berisha në bashkëpunim” – tha Meta.
Meta e cilësoi këtë si një fatkeqësi, pasi pas 27 vjetësh siç tha ai, duhet të kishte politikanë të tjerë me vlera. Sipas Metës, LSI e pengoi Ramën që donte ta vriste reformën.
“Kam një mesazh edhe për Bashën. Nuk e blen dot shpirtin e dmeokratëve duke u thënë se LSI i fiton votat me vende pune. Jo Lulzim Basha. Unë kam bashkëpunuar me demokratët si burrat dhe jo në errësirë” – tha presidenti i zgjedhur në mitingun e LSI-së në Tiranë.
“Edi Rama nuk pranoi të bënte analizën e koalicionit. Në 4 vite me Partinë Socialiste, LSI-në e ka drejtuar Ilir Meta dhe për këtë jam gati të dal që sot në debat televiziv me Edi Ramën” – tha ish-kreu i LSI.
/ b.d
