Mësuesja foto si modele në klasë: Ja na filloi dhe shkolla, ufffaaaa
Shumë fëmijë shkuan me gëzim sot në ditën e parë të shkollës, por me sa duket mësuesit nuk e përjetojnë në të njëjtën mënyrë. Të paktën kështu është për një mësuese nga Elbasani, e cila publikon në rrjetet sociale një fotografi të sajën para klasës. Në pozicionin e modeles, me flokët e mbledhura në njërën dorë, e veshur me këpucë dhe taka të larta, ajo duket si e përgatitur për një set fotografik.
Po si të mos mjaftonte pozimi, ajo shpreh pakënaqësinë nga fillimi i shkollës, ndërsa shkruan bashkëngjitur fotos, “Ja na filloi dhe shkolla ufffaaaa”. Kjo foto ka bërë që të vërshojnë komentet se me sa përkushtim dhe profesionalizëm do i mësojë ajo nxënësit, shto këtu edhe gabimet drejtshkrimore në të shkruar.
Redaksia Java News/ f.g
