FOTOT/Kisha Ortodokse “korrigjon gabimin”, mbulon fytyrën e Janullatosit
Historiani Arben Llalla para disa ditësh denoncoi një ngjarje të ndodhur në Kishën Ortodokse Autoqefale Shqiptare. Duke treguar një foto, Llala tregoi se në muret e Kishës ishte afresk i Anastasios Janullatos. Sipas Llallës, Kisha Ortodokse po vetkultizonte kryepeshkopin.
Pas daljes së fotos nëpër media, Kisha ka kërkuar ndjesë në mënyrën e vet, duke mbuluar me një copë të bardhë fytyrën e Janullatosit.
“Pas denoncimit tim, ku në afreskun e ri ikonografik tek kishëza e katedrales ortodokse të Tiranës paraqitet kryepeshkopi Anastasios tek zbret nga qielli si Jezu Krishti, funksionarët e KOASHit ia mbuluan me copë të bardhë fytyrën kryepeshkopit të ikonizuar në murin e brenda kishës…
I mbuluan fytyrën për të mbuluar të pabërën, flagrancën e madhe në historinë e Ortodoksisë: vetkultizimin e Janullatosit!” shkruan Llalla në Facebook.
