Ja si është gjëndja e golave mes dy më të mirëve. 16 me 11, Messi ka shënuar pesë gola më shumë se Ronaldo në sezonin 2017/18. Njëri në La Liga, tjetër në Champions League – Lionel Messi dhe Cristiano Ronaldo vazhdojnë të bëjnë diferencën, shkruan Gazeta Express.
Pavarësisht se statistikat e tyre janë shumë larg edicioneve të kaluara, ku golat nuk ishin problem për ta dhe për çdo ndeshje realizonin 2 e më shumë, Ronaldo e Messi po vazhdojnë të rivalizojnë njëri tjetrin në gjithçka edhe këtë sezon.
Në La Liga, Lionel Messi i ka treguar Ronaldos se ai është mbreti, duke realizuar 12 gola deri më tani në 13 paraqitje, për dallim nga portugezi që zhgënjen me 2 gola në nëntë paraqitje.Por, në Champions, gjërat janë më ndryshe. Ronaldo është mbreti tetë finalizime në pesë ndeshje, ndërsa Messi ka shënuar vetëm 3 deri më tani.
Që të dy kanë realizuar nga një gol në Superkupën e Spanjës, ku Real Madridi triumfoi përball Barcelonës. Deri më tani, me gola të përgjithshëm, është Messi ai që prin, 16 me 11, pesë gola më shumë se CR7.
Ronlado këtë vit rrëmbeu dy çmime të mëdha individuale, më i miri për 2017 nga FIFA dhe më i miri nga UEFA, kurse Messi fitoi “Këpucën e Artë” për golashënuesin më të mirë në Evropë.Dy më të mirët në botë në dhjetor do të luftojnë për “Topin e Artë” ku CR7 është favorit, çka do ta barazonte Messin me pesë çmime, përgatiti ”Gazeta Express”. (b.an)
