Lionel Messi ka dhënë një deklaratë tejet interesante për mediat argjentinase
Ylli i Barcelonës, Lionel Messi, në një intervistë për mediat argjentinase, ka thënë se i pëlqen shumë Premierliga. Pesë herë fituesi i Topit të Artë, ka përsëritur se nuk dëshiron të largohet nga ‘Camp Nou’, por vetëm nëse gjërat shkojnë ashtu siç ai ka planifikuar.
“Më pëlqen shumë futbolli anglez. Më pëlqen Premierliga, i përcjell gjithmonë ndeshjet e mëdha”, ka thënë Messi. “Por, siç kam thënë edhe më parë, synimi im është që të qëndroj te Barcelona për shumë vite dhe të pensionohem këtu.
Shpresoj që gjërat të shkojnë mirë dhe se nuk do të më duhet ta ndryshojë mendjen. Në futboll nuk i dihet dhe gjërat mund të ndryshojnë nga dita në ditë”, është shprehur Leo Messi duke mos hedhur krejtësisht poshtë një kalim të mundshëm në Premierligë.
Pep Guardiola, i cili do të jetë trajner i Manchester City-t sezonin e ardhshëm, do të bëjë gjithçka që pas disa viteve ta sjell në ‘Etihad Stadium’ Leo Messin, përgatiti “Express”.
