Lionel Messi iu është përgjigjur më në fund sfidës së Cristiano Ronaldos për tu larguar nga Barcelona dhe nënshkrimit të një kontrate me një ekip italian.
Ylli i Barcelonës ka deklaruar se është i lumtur tek ekipi aktual.
Ronaldo u largua nga Real Madrid pas nëntë vitesh në gusht, duke nënshkruar për gjigantët italianë Juventus. Por në këtë mënyrë ai i dha fund rivalitetit të tij afatgjatë me argjentinasin.
Që nga largimi i Ronaldos nga La Liga iu është kërkuar shumë herë të vihet në një sfidë me Messin.
Dhe portugezi është shprehur: “Kam luajtur në Angli, Spanjë, Itali, Portugali, në ekipin kombëtar, ndërsa ai është ende në Spanjë. Ndoshta ai ka nevojë për mua më shumë. Për mua, jeta është një sfidë dhe më pëlqen, më pëlqen t’i bëj njerëzit të lumtur. Do të doja që ai të vinte në Itali një ditë. Si unë, të pranojë sfidën.”
Dhe Messi vendosi ti përgjigje Ronaldos kur u pyet nëse do të merrte ndonjëherë në konsideratë një lëvizje në Itali.
Përgjigja e tij, megjithatë, bëri të qartë gjithçka.
“Pranimi i sfidës së Ronaldos për t’ju bashkuar në futbollin italian? Nuk kam nevojë për ndonjë ndryshim,”-tha Messi. “Unë jam në ekipin më të mirë në botë, sfidat e mia rinovohen nga viti në vit, nuk kam nevojë për të ndryshuar ekipet apo ligat për të vendosur qëllime të reja, unë jam në shtëpi dhe nuk kam nevojë të ndryshoj.”
a.cupaj
