Diferenca eshte jo e vogel. 327 gola në La Liga me 309 – Messi e ka lënë prapa Cristianon. Lionel Messi ka shënuar më së shumti gola se Cristiano Ronaldo në La Liga që nga vitit 2009, raporton Gazeta Express.
Me het-trikun kundër Deportivos, ku Barcelona fitoi edhe matematikisht titullin e 25 në histori, Leo shkoi në kuotën e 32 golave këtë edicion në La Liga dhe 327 që nga viti 2009, kur Cristiano Ronaldo u transferua në Madrid nga Manchester United.Messi gjithashtu u bë lojtari i parë që për 7 sezone shënon mbi 30 gola në Ligë, duke lënë prapa Ronaldo, me 6 sezone mbi 30 gola në Ligë.Messi gjithashtu e kaloi portugezin edhe sa i përket golave këtë edicion në të gjitha garat.
Argjentinasi deri më tani ka shënuar 43 gola në të gjitha garat, aq sa Mohamed Salah, duke lënë prapa Ronaldon me 42.Messi e ka lënë shumë prapa Ronaldon edhe me trofe të La Ligës.
Që kur portugezi u transferua në Spanjë, Reali ka fituar vetëm dy tituj të La Ligës, ndërsa Leo Messi me Barcelonën gjashtë.
Ky duket të jetë sezoni i 30 vjeçarit argjentinas, megjithëse Ronaldo mund të shpëtojë gjithçka dhe t’i kthejë gjërat në favor me një triumf në Champions League, pasi në të kundërtën, duke parë triumfin e Messit me Barcelonën dhe pothuajse sigurimin e Këpucës së Artë për vitin 2017, Topi i Artë duket se do të shkojë për të – gjashti në karrierë, përgatiti ”Gazeta Express”. (b.an)
