Kombëtarja e Argjentinës do ta lërë të hënën Rusinë pas eliminimit nga Kupa e Botës, por kapiteni i kësaj skuadre Leo Messi ka vendosur të largohet një ditë më herët.
Të dielën në mesditë, Messi është parë të largohet së bashku me familjen e tij nga hoteli ku skuadra amerikano-latine po qëndron, në Bronnitsy, një ditë pas eliminimit nga Franca në 1/8 e Botërorit.
Pas humbjes, Messi kishte shkuar fillimisht në hotelin ku ndodhej familja e tij. Por sot në mëngjes shkoi në qendrën stërvitore të kombëtares, ku mësohet se është përshëndetur me skuadrën.
Të njëjtën gjë mësohet se do të bëjnë edhe disa lojtarë të tjerë të kombëtares së Argjentinës, si Caballero, Ansaldi, Rojo, Banega, Mascherano, Higuain, Mercado, Salvio, Otamendi dhe Aguero, lojtarë që më së shumti luajnë në Evropë dhe kanë një destinacion ndryshe nga pjesa tjetër e skuadrës, që do të rikthehet në vendlindje, transmeton KP.
Kështu e ka justifikuar këtë largim të papritur të Messit shefi i delegacionit të kombëtares së Argjentinës, që tha se ai dhe disa lojtarët e tjerë që aktivizohen në Evropë kanë një agjendë tjetër. (b.an)
