Deputetja Socialiste Senida Mesi tha në studion e emisionit ‘Pa Protokoll’ nga Anduela Ndreu, u shpreh se raporti i publikuar nga Komisioni i Venecias thotë qartë se presidenti Ilir Meta ka tejkaluar kompetencat. Mesi tha se verdikti final do të jepet nga Kuvendi i Shqipërisë.
“Komisioni i Venecias thotë qartë se Presidenti ka tejkaluar kompetencat e tij kushtetuese. Komisioni ka përcaktuar tejkalim të kompetencave. Kanë përcaktuar se vendimin për zhdekretimin është tërësishta jashtë kompetencave.
Verdikti final do jetë nga ana e Kuvendit për të pritur më pas ngritjen e Kushtetueses nëse vendimi i Kuvendit i përmbahet apo jo kushtetutës”, u shpreh Senida Mesi.
“Prioritet aktual i mazhorancës është përmbushja e rekomandimeve të OSBE, që në kuadër të gjthë procesit të ketë përmirësime të dukshme sipas rekomandimeve. Palët në këtë komision nuk janë dakordësuar për rishikimin e sistemit, por nëse do ketë dakordësi edhe ne jemi të hapur.
Partia nuk mund të mbajë përgjegjësinë për një individ. Duhet të fillojë nisma ligjore që për çdo individ që gënjen në formularin e dekriminalizimit duhet të shkojë në burg. Ne do ngulmojmë te konsesusi dhe gjithëpërfshirja. KQZ me dekretin e presidentit duhet të ketë një datë për zgjedhje të pjesshme në Shkodër”, u shpreh Senida Mesi.
