Kreu i ALUIZNI-t Artan Lame ka dhënë një mesazh të fortë sensibilizues për të gjithë ministrat dhe drejtorët, ku u kërkon atyre solidaritet dhe vëmendje ndaj grave, na muajin e ndërgjegjësimit për kancerin e gjirit.
Përmes një postimi në profilin e tij në ‘Facebook’, Lame u kërkon ministrave që t’i çojnë në grup të gjitha gratë e vajzat e institucioneve të kryejnë ekzaminimet përkatëse.
Kreu i ALUIZNI-t thotë se është e rëndësishme që këtë muaj t’i bindin gratë dhe vajzat që shkojnë të bëjnë kontrollet lidhur më këtë sëmundje, duke shtuar se pastaj kanë gjithë vitin për t’ju kërkuar llogari atyre për punën.
MUAJI I NDERGJEGJESIMIT PER KANCERIN E GJIRIT
Ej, drejtorë, ministra, kryetarë, është muaji i luftës kundër kancerit të gjirit.
Vërini përpara në grup të gjitha gratë e vajzat e institucioneve tuaja dhe çojini të kryejnë egzaminimet përkatëse. Keni gjithë vitin pastaj kohë t’u kërkoni llogari për punën.
Është një moment ku ne meshkujt duhet të kujtohemi pa drojë për shenjtërinë e trupit femëror.
Në foto, sot në hyrjen e Spitalit Ushtarak, duke i dorëzuar drejtorit dr. Gjovalin Bushi dhe dr. Najada Kallashit, punonjëset e Aluizni-t për të kryer kontrollin.
a.ç
