Kryeministri Edi Rama kishte sot nje mesazh per Greqine fqinje, kur tha se Shqiperia nuk do te mbylle as syte e as gojen “në mbrojtje të të vërtetave dhe të drejtave të veta”
Ai tha se shume shpejt do te kete zgjidhje per problemet e mbartura me Greqine.
“Ne vazhdojme te besojme ne devizen tone zero probleme me fqinjet. Do i zgjidhimn problemet e mbartuara me te vetmin fqinj qe kemi probleme te mbartura. mesazhi im eshte i thjeshtë dhe i qartë: Duam miqësi reciproke, respekt të ndërsjelltë dhe bashkëpunim strategjik.
Per ne cdo grek qe jeton ne Shqiperi është anëtarë me liri dhe të drejta të barabarta i familjes sone, e minoriteti grek një urë lidhëse mes dy vendeve, urë për të cilën kujdesi i qeverise dhe shtetit shqiptar vetëm do vijojë të rritet.
Por Shqipëria pavarësisht halleve dhe nevojave të saj s’do mbyllë asnjëherë as sytë as gojën në mbrojtje të të vërtetave dhe të drejtave të veta.
Me lejoni sot të shprehem besimplotë se koha që kemi përpara do sjellë zgjidhjet e dëshiruara per të dyja palet, me dialog real, me këmbë në tokë, marrëdhëniet mes nesh do ngrihen në një nivel të ri miqesie, respekti dhe bashkepunimi.”
