Mesazhi i presidentit për doktor Bogën: “Mjekësia shqiptare humbi mjekun novator e të palodhur”

Presidenti i Republikës, Ilir Meta shpreh mesazh ngushëllimi për ndarjen nga jeta të profesorit dhe ortopedit të shquar, Panajot Boga.

Presidenti Meta thekson se mjekësia shqiptare humbi mjekun novator e të palodhur.

Mesazhi:

Me shumë trishtim mora lajmin për ndarjen nga jeta të Profesorit të nderuar dhe mjekut të shquar të Ortopedisë shqiptare, Panajot Boga.

Mjekësia shqiptare humbi mjekun novator e të palodhur, por edhe drejtuesin energjik dhe aplikuesin vizionar të shkencës progresive në fushën e Ortopedisë, i cili la pas një trashëgimi të vyer e model frymëzimi për brezat e rinj të mjekëve.

Ngushëllime të sinqerta familjes së dashur Boga, të afërmve, bashkëpunëtorëve dhe të gjithë komunitetit të mjekëve.

I përjetshëm kujtimi i Profesor Bogës!