Ministrja e Shëndetësisë, Ogerta Manastirliu ka votuar sot në shkollën “Jeronim de Rada”, nga ku dha edhe një mesazh për qytetarët të cilët do të zgjedhin sot parlamentin e ri.
Sipas Manastirliut, vota e tyre, “nuk do të përcaktojë thjesht qeverinë e 4 viteve të ardhshme, do të përcaktojë drejtimin që do të marrë Shqipëria jonë në dekadat që do të vojnë”.
Reagimi i Manastirliut:
Sot është dita kur duhet të dëgjohet fort zëri i qytetarëve. Sepse vota e tyre, nuk do të përcaktojë thjesht qeverinë e 4 viteve të ardhshme.
Mbi të gjitha, vendimi që do të marrë sovrani sot në kutitë e votimit, do të përcaktojë drejtimin që do të marrë Shqipëria jonë në dekadat që do të vojnë.
Jam e bindur se qytetarët shqiptarë do ta bëjnë me qetësi dhe mençuri zgjedhjen e të ardhmes së vendit ku duam të rrisim fëmijët tanë.
g.kosovari
