Tre persona janë shoqëruar në komisariatin e Devollit këtë të premte. Bëhet fjalë për Alti Nallbati, Marsel Buci dhe Trajan Çeliku.
Këta persona kanë marrë peng shtetasin Ilir Topçiu, në fshatin Vishocicë, i cili aktualisht ishte me masë arresti shtëpie.
Mësohet se autorët e kanë keqtrajtuar në mjediset e banesës së njërit prej tyre. Policia e Devollit është ende duke kryer kontrolle për mbledhjen e provave.
Ngjarja ka ndodhur dy ditë më parë ndërsa aksioni policor po finalizohet ditën e sotme. Njëri nga të shoqëruarit është Alti Nallbati vëllai i deputetit Bledion Nallbati.
Ky i fundit eksponent i njohur për Policinë, i cili nuk mungon në asnjë konflikt të rëndë në zonë.
Kujtojmë se në dhjetor 2016 ai u shoqërua pasi dhunoi disa efektivë policie. Ndërsa pak ditë para zgjedhjeve të 11 Majit ai rrahu pa shkak një shofer kamioni, madje në sy të Policisë.
Vetë deputeti i Sali Berishës, Bledion Nallbati, ka shfaqur dhunë në ambientet e Kuvendit dhe më gjerë. Rasti më i fundit ishte ai i dhunimit të deputetit Vullnet Sinaj.
