Si në shumë bashki të tjera, edhe në ato të minoritetit grek në Shqipëri ndihet atmosfera e përplasjes elektorale. Gazetari Mero Baze tha se gara është e fortë në Bashkinë e Finiqit, ndërsa në Himarë, theksin e vuri tek shfaqja e Fredi Bejlerit dhe tezave të tij për helenizimin e pretenduar prej tij.
Sipas tij, teza të tilla dhe persona si Fredi Bejleri që mbështetet nga Berisha dhe Meta prishini klimën e jetesë mes shqiptarëve dhe grekëve.
“Nga tipologjia, kemi dy bashki që konsiderohen zyrtarisht si minoritet grek siç janë Dropulli dhe Finiqi, bashkia e Himarë, që ka një përzierja e atyre që ndjehen pakicë greke dhe pjesës së shqiptarëve. Në Finiq është garë e fortë. Në Himarë Gjergji Goro, i cili është në garë për mandatin e katërt, dhe për herë të parë që është shfaqur Fredi Bejleri, i cili ka qenë person kontrovers, i përfolur për masakrën e Prillit 1994 në Peshpëki të Gjirokastër, ku komandën greke sulmoi pikën kufitare shqiptare. Pra, kemi një garë një shqiptare që shkon mirë me komunitetin grek dhe një kandidati, i cili është ekstremist”, tha ai.
Gjithsesi, Baze shtoi në “Tema e Ditës” në ABC News se tezat e elaboruara nga kandidati i koalicionit “Bashkë Fitojmë” Fredi Bejleri janë ekstremiste dhe dëmtojnë më shumë interesin e pakicës greke në Shqipëri.
“Me thënë të drejtën nuk përben asnjë rrezik, por kjo përbën vetëm një rrezik për çështjen helene në Himarë dhe në Shqipëri në tërësi për shkak se të vetmit që e tentojnë çështjet greke në Shqipëri janë tipa të tillë që marrin qëndrime ekstremiste që prishin raportin me shqiptarët dhe krijojnë klime konfliktuale dhe nuk përfaqësojnë dot as minoritetin grek. Asnjë nga kandidatët e minoritetit nuk kanë hyrë në garë pa mbështetjen e një partie të madhe shqiptare ose PS ose PD ose koalicionin Bashkë Fitojmë Berisha-Meta. Ndihen të pafuqishëm të kandidojnë vetëm, e kanë humbur mbështetjen tek pakica për shkak të tipave si Bejleri, të cilët janë armiku real i faktorit grek në Shqipëri. Ata janë njerëz që dëmtojnë interesat e pakicës greke, atë që ai e quan çështja “Helene”, tha ai.
/s.f
