Kryeministri i Malit të Zi, Dushko Markoviç, ka zhvilluar një takim zyrtar me kancelaren gjermane, Angela Merkel. Në takimin e zhvilluar mes tyre është diskutuar bashkëpunimi mes dy vendeve por edhe çështja e kufijve në Ballkan. Mediat kroate raportojnë se Markoviç është shprehur se në diskutimet me Merkel, është rënë plotësisht dakord që të mos ketë ndryshim kufijsh në Ballkan.
“Mali i Zi dhe Gjermania kanë rënë plotësisht dakord, nuk ka ndryshim kufijsh në Ballkan”-ka thënë Markoviç dhe Merkel.
Deklarata e kryeministrit malazez vjen pas një vale tensioni në rritje mes Serbisë dhe Kosovës pas propozimit të Presidentit kosovar, Hashim Thaçi për ndarjen e kufijve mes dy vendeve. Mali i Zi dhe Kosova u përfshinë në një debat përgjatë vitit 2017, për çështjen e demarkacionit.
ma.me
