Tritan Shehu, mjeku dhe deputeti i njohur teksa këtë mëngjes u shfaq në programin “Aldo Morning Show” në Tv Klan dha edhe disa të dhëna tronditëse. Nisur nga tema e ditës, se kush e ka më të lehtë jetesën, burri apo gruaja, shifrat e paraqitura nga Shehu mesa duket reflektojnë që femra në Shqipëri përballet me vështirësi që në gjenezën e saj. Prej vitit 1991, 30 mijë prej tyre janë vrarë nga aborti selektiv.
Tritan Shehu: Në Shqipëri ka një mentalitet të gabuar që është bërë edhe mentalitet kriminal do thoja unë. Dëshira për lindjen e djemve dhe kjo ç’ka bërë? Ka bërë që në Shqipëri raporti midis burrit dhe gruas nga 100 me 104 që shënon në të gjithë botën, të jetë 100 me 110 për shkak të aborteve selektive që bëhen duke parë pas muajit të tretë që është femër.
Aldo: Po pse funksionon akoma kjo?
Tritan Shehu: Po, funksionon. Që nga viti ‘91 në Shqipëri, e deri më sot mbi 30 mijë jetë femrash të humbura nga abortet kriminale selektive.
Aldo: Seriozisht? Ky është numër që e thua me përafërsi apo…
Tritan Shehu: Jo, jo ky është numër i statistikave të plota.
/a.r
