Menaxherët e futbollistëve, në shumë raste, janë cilësuar si një e keqe e futbollit, më e madhe edhe se ajo e trukimit të ndeshjeve. Një studim i ri nga UEFA, thotë se agjentët kanë fituar thuajse 3 miliadë euro komisione nga transferimet e futbollistëve vetëm në Europë, vetëm në 5 vitet e fundit.
Aktiviteti i tyre financiar shkon deri në 22 miliardë euro, dhe sipas qeverisë së futbollit europian, rreth 13% e xhiros humbet në këtë biznes. UEFA zbulon se në të paktën 32 transferime të vitit të kaluar, komisionet e transferimeve kanë qenë të paktën 1 milionë euro. Në këtë studim përfshihet edhe Shqipëria, por shifrat për Kategorinë Superiore janë tejet të ulëta.
