Admir Mehmedi, 24 vjeç, është një nga lojtarët më të mirë të Bayer Leverkusen, me të cilin synon të fitojë Kupën e Gjermanisë.
Më pas, vjen Euro 2016, ku skuadra e tij, Zvicra, do të debutojë kundër Shqipërisë, një ndeshje e veçantë për të.
“Unë jam shqiptar nga Maqedonia, një nga gjashtë lojtarët me origjinë shqiptare në kombëtaren zvicerane. Të gjithë donim të shmangnim Shqipërinë gjatë shortit. Do jetë shumë e vështirë të luash kundër atdheut tënd”, thotë Mehmedi për Bild.
Mehmedi flet shtatë gjuhë të huaja.
“Duhet të falënderoj prindërit e mi, që janë zhvendosur shumë. Kur isha dy vjeç, erdhëm në pjesën italiane të Zvicrës. Nëse do punoja si përkthyes pas karrierës në sport, nuk do ishte problem për mua”.
