Deklaratat e presidentit rus Vladimir Putin se “rrëzimi i avionit SU-24 nga ushtria turke do të ishte pasoja tragjike” ishte më tepër se paralajmërim.
Ai ishte mesazhi i nisjes së një lufte midis vendit të tij dhe Turqisë, por që pas rishqyrtimit pati një tërheqje, pasi lufta vërtetë do të ishte shkatërrimtare.
Pohimi për gadishmërinë e nisjes së një lufte nga Rusia e dha vet kryeministri i këtij vendi Dmitry Medvedev, i cili shtoi se në vend të luftës shkatërrimtare për të dy popujt u zgjodhën sanksionet ekonomike kundër Turqisë.
“Diskutuam mundësinë e nisjes së një lufte pas rrëzimit të avionit Su24. Por lufta do të sillte pasoja tragjike për të dy popujt. Në vend të kësaj vendosëm të jepnim një përgjigje tjetër. Ta luftonim ekonomikisht dhe politikisht Turqinë. Nëse incidenti do kishte ndodhur disa dekada më parë, tashmë do të ishim në luftë”, tha Medvedev.
