Kryetari i Partisë Republikane Fatmir Mediu është takuar me ambasadorin amerikan Donald Lu. Takimi mes diplomatit amerikan dhe aleatit të Bashës, vjen vetëm një ditë pasi ky i fundit, u fotografua teksa pinte kafe me Sekretarin e Përgjithshëm të kryeministrisë Ëngjëll Agaçi.
“Besoj se zgjedhjet e lira dhe të ndershme është rruga e duhur për të vazhduar dialogun. Mendoj se gjithmonë ka shance për dialog për aq kohë sa kërkojmë më të mirën për vendin dhe nuk shohim pushtetin” – tha Mediu në përfundim të takimit me ambasadorin amerikan teksa u pyet për pjesëmarrjen e opozitës në zgjedhje.
Një ditë më parë, Famtir Mediu komentoi edhe kritikat ndaj Bashës nga ana e deputetëve Topalli, Bregu dhe Selami. Kreu i PR deklaroi se lideri i selisë blu duhet të konsultohet me forumet e kësaj force.
Majlinda Bregu dhe Eduard Selami kërkuan që PD të hyjë në zgjedhje. Ndërkohë, Selami ishte edhe më i ashpër kur tha se “Basha po e përdor çadrën për të bojkotuar zgjedhjet”./a.m.
